قراء مدونتي الكرام. مرحبا بكم من جديد . قبل أي شيء آسف جدا علي التأخير اللي والله مش بسببي والسبب فيه انقطاع النت معلش يا جماعة . لكن ان شاء الله شوية كده علي ما يرجع وهتابعكم . أنا والله عامل الموضوع دا من سايبر عشان الناس ما تنسانيش. والآن مع الموضوع . هو الموضوع عن فوز مصر في بطولة الأمم الأفريقية والنصر الهايل اللي جابه الأبطال.. الابطال بجد وعشان الأبطال حبيت أهدي القصيدة دي يارب تعجبكم
مبـــــــروك عـلـيـنـا الـكــاس ... مبـــــــروك عـلـيـنـا يــــــا مصـــــر
للمـــرة الســادسة يا أفريقيا ... احـــــــــــنا مــلـــــوك العصــــــــــر
حـــتــي لــو مليون عرجون ... بـرضــو أسـاسـي هنجيب الجـــــون
معانا أبطال مش بس رجال ... معانا زيدان ،وابوتريكه وعمرو كمان
لا تـــقـــولـــي دروجــبــــــا ... ولا اتــــــــووو شــــــــــديــــــــــــــد
دا مــــعـــانـــا وائـــــــــــــل ... أبـــــــــو رجـــــــــــل حــــــديــــــــد
والمــــعـــلم هــــــو كبيرنــا ... شـــحـاتـة طـبـعـا أبـو عــزم أكـيـــــد
عـيـطـــــوا صــــــوتــــــــوا ... الكـــاس دا بــتــــــاعـــنـــــــــــــــــا
بـتحــــــــاربـــوا مــــــــــين ... داحـنــا الــفـــــــــراعــــــنــــــــــــــة
معلش المرادي والمرة الجــــ ... ــــايــــة وكــمــــــان الــتــامــنـــــة
أصـــــل احـــنــــا يــعــنـــــي ... قـــــــاعــــــديــــن قــــــاعـــــديـــن
هــتــقــــولــــــــــــوا ايــــــه ... أصــلــنـــــا فــــــــــــــــاضـــيــيـــن
أصــــــــل مـــــا يـنـفـعــــش ... الــمـصـــــــــريــيــــــــــــــــــــــــــن
تــمــــــــانـيــــن مــلــيــــــــــ ... ــــــــــــــــــون مســـــتـنـيـيـــــــن
يــــــرضـــيــكوا يـعـنــــــــي ... يـنـــــــــــامــــوا زعــــــــــلانـيـــــن
مــــــش مــمــكــن ابــــــــدا ... يـــــــاولاد الــنيــــــــــــــــــــــــــــــل
ومـــــن أحــمـــــد حــســـن ... خــــــدوا أحــــــلـــي كـــــــــــــــــاس
ويـــــــــــــلا بــــــــــقــــــا ... نـفــــــــــــــوق مـــــــــن الــنعـــــاس
ويــــــــــــارب دايـــمـــــــا ... تـــــــرقـــــــص يـــــــــــا حـــــــضري
ومـــــــعـــــــاك تــــــرقص ... كـــــــــــــــل مـــصـــــــــــــــــــــري
مـــــــــبــــــــــــروك يـــــــــا مـــصـــــــــــــــــــر
.
.
ملحوظة : طبعا يا جماعة حقوق اللطش محفوظه للمدونة وأي حد عايز ينقلها ياريت يبقا يقول اني انا اللي كاتبها أو علي الاقل يقول اسم المدونة منعا للأحراج.
.
.
يارب تكون القصيدة عجبتكم وانتظروا القادم أجمل باذن الله.
تحياتي للجميع ودمتم بسلام.
هناك ١٠ تعليقات:
يااااااااااااه...حمدالله عالسلامه
الاسف مقبول ومتخفش مش هننساك..اخترت موضوع فى الجون ترجع بيه..بجد البطوله دى فرحت مصر كلهاحتى اللى ملوش فى الكورة زى حالاتى..يومها حسيت بانتماء كل المصريين كانهم اكتشفوا فجاه انهم ولاد البلد دى..
مبروك لمصر ولولادها..مبروك علينا الكاس مبروك علينا يا مصر
N.B
دا اول كومنت..عد الجمايل يا جوهرى
و هبااااااااا
محمد باشا رجع ... حمد لله علي السلامة
أحسن حاجة في التدوينة
الحتة بتاعة حقوق اللطش ديه
:)
تحياتي
كنا عايزين بيتين عن ابو تريكة كده ولا حاجة
:)
الهي لا يقطعلك نت ولا يشحتفلك كبد
بتفكرنى بالهتافات اللى كانوا بيقولوها فى المظاهرات
تهانيناا
ايمي لعزيزة
ياويلكم ياويلكم
يارب ماتنسوني بجد
موضوع في الجون .... أهو بنحاول
كانهم اكتشفوا فجاه انهم ولاد البلد دى..
عندك حق والله
دا اول كومنت..عد الجمايل يا جوهرى
عاددهم وربنا جملايه جملايه حتي هما تمنتاشر جملايه وحصانين وتلت معيز
قليل من التفكير
ربنا يخليكوا ليا وميحرمكوش مني
متشكر يا جميل
معلش والله النت مبهدلني
بس شويه وكل حاجه هتتظبط وهقطعكم كومينتات
حقوق اللطش هههههه ياسيدي انت عارف بقا الشعب المصري
ميه ميه طبعا حد يقدر يتكلم
تحياتي وشاكر انك منسيتنيش
خبيب باشا
ماهو دا التجديد
لو دخلت اي منتدي هتلاقي الناس كلها بيمدحوا فيه وعاملين ليه معلقات
انا بقا لا نسيته ولا طولت في مدحه هما كل اللعيبه كانو حلوين
تحياتي
ومنورني
سكينه بفتح السين
وربنا وحشتني مدونتك بس تعملي ايه في انقطاع النت معلش بكره نرجع والفران اللي عليت علي قفانا ترجع جحورها وانا وانتي -الاسود يعني- يرجعوا يحموا العرين الادبي
تحياتي
ويارب استجيب دعواتها
كرانيش
سعيد بزيارتك
هنعمل ايه بس
انا طبعا من قلبالشعب ابن الـ ... الناس الكويسين طبعا
تحياتي ويارب ما تنسيني
إرسال تعليق