٠٣‏/٠٣‏/٢٠١٠

ليـــــــــــه؟؟

ليه تديني أمل وف ثانية تسحبيه؟
ليه قلبي يفرح معاكي وف ثانية تزعليه؟
ليه!! قوليلي ليه مش حاسة بيه وتملي بتجرحيه؟
ليه!!؟ شوفتي منه ايه!! ولا عملك إيه؟
وإيه!! قوليلي إيه مستنيه إيه؟
ماهو قالك بحبك عايزة تاني إيه!!؟
ليه تبقي انتي والأيام كلكم عليه!!؟
دا حرام والله حرام تسيبي قلبي والله حرام
ليه تبقي ضده انتي والأيام؟
شاف منك حنان عاش معاكي غرام
حس بدفاااا آآآآه ياريته دام
شاف معاكي هنااا عاش معاكي أحلام
نورتي حياته ليه ترجع ضلام!!؟
ليه؟!!
ليه ترجع ضلام!!؟
ليه!!؟ ليه ترجع ضلام!!؟

هناك ٢٠ تعليقًا:

غير معرف يقول...

ومش عاوزني اقولك مسددود مسدود

خلاص يا فوزي

روووووح ربنا يفتحها في وشك قادر ياكريم


ملحوظه ( فوزي ده بتاع انابيب في حاحا وتفاحه)

Dr.Mohammed Gohary يقول...

ههههههههههههههه
ماشي يا عم نادية لطفي في الخطايا
مساء الفل
هههههههههههههههه

Beram ElMasry يقول...

لانها حواء

Unknown يقول...

اشجينى ....
كلامك ده يا مرسى
الحب الحب
الشوق الشوق
بلوبيف بلوبيف
مع تحيات
اخوك اللمبى
هههههههههههههههههه
محاسيسها ومشاعيرها عاليه اوى يا
محمد
تسلم ايدتينك
بجد بجد جميله
منتظرين المزيد

Dr.Mohammed Gohary يقول...

بيرم المصري
أهلا بيك يا أستاذي

تقصد حضرتك ان حواء سر الشقاء؟؟
غالبا عند حضرتك حق
بس احيانا
بتكون سبب السعادة وبتخليها سكر زيادة

نورتني

Dr.Mohammed Gohary يقول...

أهلا يا اسماء
ربنا يخليكي يا بت يا نوثة
ههههههههههههههههه

ربنا يكرمك يارب
ونورتي مدونتك

اللؤلؤه المضيئه يقول...

جميله اوى واحساسها عالى اوى ...


بس على فكره مش دايما بيبقى العيب منها هى هى ممكن برضو تكون ادتلوا اكتر من دا وعاشت احلى واحن حب هى كمان لكن فى الاخر ممكن يكون هو السبب وممكن هى يكونوا مش عرفوا يحافظوا على حبهم دا ومش عارفين مين السبب ؟؟؟؟




بس بجد جميله اوى اوى ويارب يكون الزمن والايام والدنيا هما السبب ....



تسلم ايديك يارب دايما يووفقك دايما لكل حاجه جميله وتشوفها جميله دايما ....

Dr.Mohammed Gohary يقول...

اللؤلؤة المضيئة

أهلا بيكي

-------------------
جميله اوى واحساسها عالى اوى ...

ربنا يخليكي متشكر جدا
-------------------------


بس على فكره مش دايما بيبقى العيب منها هى هى ممكن برضو تكون ادتلوا اكتر من دا وعاشت احلى واحن حب هى كمان لكن فى الاخر ممكن يكون هو السبب وممكن هى يكونوا مش عرفوا يحافظوا على حبهم دا ومش عارفين مين السبب ؟؟؟؟


طبعاً عندك حق
بس دي قصيدة
والقصيدة بتكلم واحدة بتسيب واحد كان بينهم حب
أياً كان سببالفراق القصيدة مقالتش سبب للفراق.. في القصيدة استنكار للفراق
-----------------------
بس بجد جميله اوى اوى ويارب يكون الزمن والايام والدنيا هما السبب ....


ههههههههههههههههههههه
انظر أعلاه
ههههههههههههههههههههه
ومتشكر على المجاملة
--------------------------

تسلم ايديك يارب دايما يووفقك دايما لكل حاجه جميله وتشوفها جميله دايما ....


ربنا يكرمك ويوفقنا جميعاً

تحياتي

اللؤلؤه المضيئه يقول...

انا بدى اسباب للفراق علشان انت فى كل القصيده بتسئل ليه ولا مش واخد بالك من ليه دى ؟؟



انت بتسئل ليه واكيد كل واحد بيدخل بيتكلم حتى لو مش قولت اسئله او مجبتش سبب للفراق حبيت انا اتكلم بس ...



انت مش حابب انى ادخل اطلع شىء جوايا او اتكلم خلاص سورى لو اتكمت او قولت حاجه تضايقك ...



بس فعلا الحب حلو اوى وكمان لما يكون من الطرفين ..........؟؟؟؟

Dr.Mohammed Gohary يقول...

اللؤلؤه المضيئه
أهلا بيكي لتاني مرة

------------------------
انا بدى اسباب للفراق علشان انت فى كل القصيده بتسئل ليه ولا مش واخد بالك من ليه دى ؟؟

لا واخد والله

------------------------


انت بتسئل ليه واكيد كل واحد بيدخل بيتكلم حتى لو مش قولت اسئله او مجبتش سبب للفراق حبيت انا اتكلم بس ...



انت مش حابب انى ادخل اطلع شىء جوايا او اتكلم خلاص سورى لو اتكمت او قولت حاجه تضايقك ...



لا طبعا مش متضايق
من حق كل انسان يبعبر عن شعورة آه وربنا
------------------------



بس فعلا الحب حلو اوى وكمان لما يكون من الطرفين ..........؟؟؟؟



طبعاً
دا أسمى شيء في الوجود

-------------------------

تحياتي

Kiara يقول...

عشان الفراق بقي شي عادى جدا في حياة الانسان

Dr.Mohammed Gohary يقول...

عندك حق يا كيارا

منورة والله

تحياتي

غير معرف يقول...

ازيك يا عمرو واسمحلى اقولها من غير القاب لان عمر ما كان فى بينا القاب ولا ايه؟القصيدة جميلةجداا وانا دايما كنت بقولك لو كنت دخلت حاجة غير الطب كان زمانك بقيت حاجة كبيرة جدا فى المجال ده بس غالبا بيكون الفراق غصب عن الشخصين يعنى محدش بيكون ليه ذنب لانها بتكون ظروف خارجة عن الارادة وغالبا بيكون ده النصيب عند ربنا فأحسن حاجة ان الشخص لا يحب ولايعشق عشان فى الاخر بتنتهى القصة بجرح كبيييييير ومش من السهل يتنسى خصوصا لما يكون الشخص ده اول حب فى حياتك انا اسفة ان عدت فترة كبيرة مدخلتش البلوج بس كانت لظروف....ربنا يوفقك يا عمرو

Dr.Mohammed Gohary يقول...

غير معرف

أهلا بيك/ي

ازيك يا عمرو واسمحلى اقولها من غير القاب لان عمر ما كان فى بينا القاب ولا ايه؟

مممممم مانا مش عارف مين؟؟
بس لو انت/ي شايف ان ما كانش في بينا ألقاب يبقا عادي طبعاً
وعموما خلي البساط أحمدي ولقمة هنية تكفي اتناشر الف وتلتومية
ههههههههههههههههههههههههههههه

-----------------------------
القصيدة جميلةجداا وانا دايما كنت بقولك لو كنت دخلت حاجة غير الطب كان زمانك بقيت حاجة كبيرة جدا فى المجال ده

ربنا يخليك/ي يا فاندم ومتشكر جداوربنا يكرمك عالمجاملة دي
أما بالنسبة لطب فآآآآه لو الزمن يرجع تاني
ههههههههههههههههه
عموماً طب ما تمنعش ممارسة هواية زي دي
وربنا يكرمك لتاني مرة
-------------------------
بس غالبا بيكون الفراق غصب عن الشخصين يعنى محدش بيكون ليه ذنب لانها بتكون ظروف خارجة عن الارادة وغالبا بيكون ده النصيب عند ربنا فأحسن حاجة ان الشخص لا يحب ولايعشق عشان فى الاخر بتنتهى القصة بجرح كبيييييير ومش من السهل يتنسى خصوصا لما يكون الشخص ده اول حب فى حياتك



مش لازم تنتهي بجرح
في قصص كتير بتكمل
وفي النهاية دا راجع لارادة ربنا
بس كلمة هقولهالك لازم نحكم العقل أولا
-----------------------------
انا اسفة ان عدت فترة كبيرة مدخلتش البلوج بس كانت لظروف....ربنا يوفقك يا عمرو

لا ولا يهمك يا فاندم .. المهم انك منورنا..
تحياتي

واحد من الناس يقول...

من غير ليه يا عمنا

هما كده

ملهمش أمان

نورتي حياته ليه ترجع ضلام!!؟
ليه؟!! ليه ترجع ضلام!!؟ليه!!؟ ليه ترجع ضلام!!؟

وضلام ليه يا عم

روح إشتري لمبتين وعييييييييييييش :)

****

واحشني موت يا واد على فكره

وتسلم إيدينك التنتين ع الشعر الحلمنتيشي ده لووووووول

سلاموز

واحد من الناس يقول...

آه صحيح

لاحظت إن فيه حد في التعليقات بيقولك يا عمرو

وانت بترد عادي كده يعني

إنت غيرت إسمك من ورايا والا إيه ياض ؟؟؟؟

Dr.Mohammed Gohary يقول...

واحد من الناس

ياااااادي النوووور يااادي النور
عمنا شادي حته واحدة
واله واحشني يا غالي
-------------------------------
من غير ليه يا عمنا

هما كده

ملهمش أمان

والله عندك حق يا شادي
دا الواحدة من دول تبقا محسساك انها بتحبك وفي ثانية تبيعك والمشكلة انك متعرفش ليه
يلا خيييير وربنا يدي كل واحد على قد نيته
-----------------------------
نورتي حياته ليه ترجع ضلام!!؟
ليه؟!! ليه ترجع ضلام!!؟ليه!!؟ ليه ترجع ضلام!!؟

وضلام ليه يا عم

روح إشتري لمبتين وعييييييييييييش :)

****

ههههههههههههههههههههههه
دانا هشتري سبع كشافات كبار
ههههههههههههههههههههههه
-----------------------------

واحشني موت يا واد على فكره

والله وانت اوحش يا جميل
ههههههههههههههههههه
والله نفسي اشوفك

-----------------------------

وتسلم إيدينك التنتين ع الشعر الحلمنتيشي ده لووووووول

سلاموز


انت اللي تسلم كي بوردك وماوسك اللي خلوك تدخل تنورنا وتعلق عندنا

ومنور مدونتك دايما يا غالي

تحياتي

Dr.Mohammed Gohary يقول...

واحد من الناس

تااااني مرة
أاااااااكشششششششششن
-----------------------
آه صحيح

لاحظت إن فيه حد في التعليقات بيقولك يا عمرو

وانت بترد عادي كده يعني

إنت غيرت إسمك من ورايا والا إيه ياض ؟؟؟؟


لا طبعا وانا استدرك أصدي أستجرج يووووه أستجرأ أعملها!!
دا بس اسم زي دلع كدا في البيت مسميني بيه من يوم ما اتولدت سيادتك
هههههههههههههههههههه

غير معرف يقول...

مممممممم انت مش عارفنى؟انا كدة هزعل جداااااا وعلى فكرة ماكنتش اعرف ان الاصدقاء بينسوا بعض بالسهولة دى وبعدين انت مش بتسأل وانا اللى دايما بسأل عليك بس انا مش هقولك انا مين ولما تعرف اكيد هتلاقى عندى حق فى اللى بقوله بس بجد انا كدة زعلانة منك

Dr.Mohammed Gohary يقول...

غير معرف
أهلا بيك/ي لتاااني مرة


مممممممم انت مش عارفنى؟انا كدة هزعل جداااااا وعلى فكرة ماكنتش اعرف ان الاصدقاء بينسوا بعض بالسهولة دى وبعدين انت مش بتسأل وانا اللى دايما بسأل عليك بس انا مش هقولك انا مين ولما تعرف اكيد هتلاقى عندى حق فى اللى بقوله بس بجد انا كدة زعلانة منك



مش فكرة مش عارفك.. بس غير معرف دي مش دليل انك حد معين وأكيد لو أنا أعرفك وأصدقاء أوووي زي ما انت/ي بتقول/ي فأكيد هكون عارفك
بس هنا عالمدونة مش هضرب الودع علشان اعرفك
أنا آسف جدا لو ضايقتك
تحياتي