مرحبا بكم من جديد النهارده هكلمكم عن موقف ظريف جدا حصلي وأنا بكلم زميل لي علي الايميل. في البداية عايز أسأل ليه محدش بيكتب ردود أو تعليقات علي موضوعاتي ياريت يا جماعه أشوف تعليقاتكم لانها بتشجعني و بعد الفاصل السابق نواصل... نرجع لموضوعنا بتاع الايميل صديقي اللي بكلمه اسمه د.خالد أمــين زارع (هو اسمه كده سبحان الله) ماعلينا هو في رابعه طب الأزهر فكنت بكلمه عن الامتحانات والنتيجه وكده فبقوله ربنا يستر وقعدت أدعي فلو تلاحظو الصوره هتلاقو الحوار اللي حصل أنا بدعي فوجئت بالأخ بيقولي أبـــويــا فبقوله أبوك!!! قالي آه فبقوله الله يرحمه-لانه مات يعني- وبعدين بقوله ماله أبوك ؟؟ بحسبه هيقولي مثلا حلمت بيه أو كده فوجئت بيه أطلق قنبله كوميديه قائلا: انت بتدعي أنا بقول أبويا فمفهمتش ايه اللي دخل ابوه في الكلام فوجئت به بيقول انت بتدعي وأنا بقول أبويا يعني أمـيـن -أبو الدكتور خالد الله يرحمه اسمه الحاج/ أمـين -هههههههه كم كان موقف مضحك أتمني يعجبكم وانتظروا المزيد دائما
مـحـمد الـجــوهــري
ملك ميت غمر والسودان والكونغو الدكتاتوريه وقريبا زيمبابوي
هناك ٥ تعليقات:
"شدييييييييييد يا محمد "صاحبك مش انت
ربنا يوفقك يا رب
قول أبو صاحبي
سلااااااااااااااام
أخوك بلال الساعاتي
هههههههههههههههه
جميلة يا محمد
دمه خفيف
بلال حبيب قلبي
لا أبويا ألذ وبعدين أنا وصاحبي واحد
تحياتي ومتشكر علي التعليق ويارب تزورنا تاني وتنورنا بتعليقاتك
بركاااات باشا المسلم كلنا مسلمين الحمد لله متشكرين يا باشا علي الردود
انا سعيد جدا ياريت تبقي تزورنا بين الفينه والفينه هههههه حلوه الفينه دي .. أكيد في جديد ان شاء الله
ههههههههه صاحبك دة فايق اوى انتوا عمالين تكلموا فى النتيجة وهو عمال يقول افيهات
هو ان كان علي فايق هو اكسترافايق
عسول خالد علي طول بيهزر
متشكر علي كومينتاتك اللذيذة ومنورانا يا لوما
إرسال تعليق