٠١‏/١٠‏/٢٠٠٨

كولوووو ييجي ياخد العيدية

زوار المدونة الكرام... مرحبا بكم من جديد..
إنقضي شهر رمضاااان المبارك... اللهم أسأل أن تُعتق فيه رقابنا من النار... وجاء العيد... اللهم أسأل أن يكون سعيداً علي أمة محمد أجمعين...
حقاً هذا العيد مكافأة من الله تعالي لعباده الصائمين... فلا يشعر بلذّة الفطر إلا الصائم ... كما أنه لايشعر بلذّة نعيم الجنة إلا من تعب ليؤدي فروض الله حق تأدية... اللهم إجمعنا مع رسولنا الكريم في جنات تجري من تحتها الأنهار في مقعد صدق عند مليك مقتدر...

الله أكبر ...الله أكبر ...الله أكبر... لا إله إلا الله...الله أكبر ... الله أكبر ... ولله الحمد... الله أكبر كبيرا... والحمد لله كثيرا... وسبحان الله بكرةً وأصيلا...لا إله إلا الله ...وحده ...صدق وعده ... ونصر عبده... وأعز جنده وهزم الأحزاب وحده ... لا إله إلا الله... ولا نعبد إلا إياه ... مخلصين له الدين ولو كره الكافرون... اللهم صلِ على سيدنا محمد... وعلي آل سيدنا محمد... وعلي أصحاب سيدنا محمد ... وعلي أزواج سيدنا محمد... وعلي ذرية سيدنا محمد وسلم تسليماً كثيرا...
كل عام وأنتم جميعاً بخير...

ودلوقتي طبعاً كل واحد مستني مني العيدية... اللي كاتبها في عنوان البوست... وأنا عند وعدي... هنتقابل وهدي العيدية للي هييجي بسسس والغايب.... مالوش نايب ههههههههههه

هنتقابل فين يا عم الحاج؟؟؟ هنتقابل في ....

ملتقي مدوني الشرقية للمرة الأولى في التاريخ
.
..


ودا فين وإمتا يا عم جوهري؟؟؟

المكان: مقر النادي الإجتماعي الخاااص بشركة مطاحن شرق الدلتا أمام مقر الوفد بشـــــارع مدير الأمن - ميدان القومية - الزقازيق - محافظة الشرقية
وللناس اللي من خارج الشرقية تركب من ميدان المحطة -اللي بتنزل فيه من سيارة الأجرة بتاع القاهرة- تاكسي وتقوله شارع مدير الأمن وهنااااك تفضل ماشي علطول علطول لحد ماتلاقي عمارة هههههههه قصدي لحد ماتلاقي النادي الإجتماعي... دي وصفة هايلة أظن سهلة؟؟ ههههههههههههه
الزمان: يوم الأحد الموافق 5/10/2008 السااااااااااااااعة الرابعة مساءً ودا مهم جداً الرااااابعة مسااااااااءً مش متأخر عن كده ودا علشان اللي من خارج الشـــــــــــرقية يكونوا في بيوتهم قبل العشاء إن شاء الله .

الحدث: إجتماع مدوني الشرقية للمرة الأولى وليس الإجتماع مقتصر على مدوني الشرقية بل هي دعوة عامة لجميع المدونين المصريين. وسيكون من الحضور خالو الصباغ ، أحمد مهنا لمناقشة دور سلسلة مدوناااات مصرية للجيب في نشر المدونين وتفعيل دورهم في المجتمع ووعدتنا آبي هانم بتنجاني بالحضور إن شاء الله. وغيرهم الكثير إن شاء الله.

المفاجأة: لمن كان يحلم بإقتناء إصدارات سلسلة مدونات مصرية للجيب سيكون في اللقاء الإصدارين الأول: مشروع وطن والثاني: مصر في قطعة جاتوه لمن يرغب في الإقتنااااااااااء هذا إلي جانب العيدية بتاعتي هههههههههههه وإبقوا قابلوني هههههههههه وخودوها هههههه.

هي دعوة عامة : فرجاء من كل السادة المدونين من يعرف صديقة مدون شرقاوي بخاصة أو غير شرقاوي عامة أن يدعوه للحضور لأن في اللقاء حاجات موفجأة آه والنيعمة هههههههههههههههههه موعدنا الأحد القادم 5/10/2008 في النااااااادي الإجتماااعي بشارع مدير الأمن السااااااااااااعة 4 مساءً .

ودا جروب الفيس بوك اللي هيبقا فيه كوووووووول التفاصيل إن شاء الله.
http://www.new.facebook.com/group.php?gid=41379941604

وللإتصال تليفونياً في حالة تعذر الوصول لمقر النادي :
محمد الجوهري 0119236623
إســلام جاويش 0122267535
خالص تقديري وكل عام وأنتم بخير.
كان نفسي البوست يكون دمه خفيف شوية بس معلش بقاااا العيد والقرايب وبتاع ونازل أفطر يعني... ألّه.. ما أفطرش مثلاً ههههههههههه
أراكم قريباً في الملتقى . وفي إنتظار تعليقاتكم . وتابعوا البوست لأنه سيتم تحديثة كل فترة أو عمل بوست جديد مدعم بالصور.
عيد سعيد عليكم جميعا
وكل عام وأنتم بخير

هناك ٨٠ تعليقًا:

nona يقول...

كل سنة و انت طيب يا دكتور محمد
و ربنا يجعلة عيد سعيد عليكم
و مبروك على اللقاء و باذن الله يكون لقاء جميل و الكل ينبسطت فية

Dr.Mohammed Gohary يقول...

كل سنة وانتي طيبة يا نونة
عيد سعيد علي كل أمة محمد ياااااااارب

كل سنة وانتي طيبة

ويااااااااااارب يكون اللقاء زي ما أتمنى
وأتمني تشرفينا

خالص تقديري

زهرة الجنة يقول...

كل سنة وانت طيب يا دكتور
عيد سعيد عليك
وعلي كل اسرتك
هات العيدية بقي
ههههههههههه

Dr.Mohammed Gohary يقول...

زهرة الجنة
كدا بقااااااا حسينا بالعيد

كل سنة وانتي طيبة

مش أنا قولت إبقي قابليني
هههههههههههههههههههه
في الملتقي يعني
هههههههههههههههههههه

وش بيغمز

هههههههههههههههه

تحياتي
ومنوراني

غير معرف يقول...

كل سنه وانت طيب يامحمد
وياااارب يكون عيد سعيد عليك وعلينا كلنا

ضــى القمــر يقول...

كل سنه وانت طيب يا محمد
ويارب يكون عيد سعيد عليك يارب :)

معنى كده إن اللى خارج الشرقيه ممكن يحضر الأجتماع عادى ( أبقوا اقلبونى لو حضرت ..ههههه )
والله كل ما بسمع عن اجتماع للمدونين .. بيكون نفسى التواجد معاكم .
لكن أعمل ايه بقه غصب عنى والله
أجمل تحيه لك ..
بوست جميل جدا جدا جدا والله
تحيتى من القلب لك

Dr.Mohammed Gohary يقول...

سمسم
كل سنة وانتم بخير
وعيد سعيد على أمة محمد أجمعين يااااااااارب

متشكر علي التعليق
أسعدني كثيراً

Dr.Mohammed Gohary يقول...

ضي القمر
كل سنة وانتي طيبة

عيد سعيد عليكم وعلينا وعلي كوووووول حبايبكم يااااااارب



معنى كده إن اللى خارج الشرقيه ممكن يحضر الأجتماع عادى ( أبقوا اقلبونى لو حضرت ..ههههه )


هههههههههههههههههه
طبعا كووووووول المدونين في أي مكاااااان ممكن يحضروا
هههههههههههه ياريت والله تنورينا
---------------------------

والله كل ما بسمع عن اجتماع للمدونين .. بيكون نفسى التواجد معاكم .
لكن أعمل ايه بقه غصب عنى والله

طب ياريت والله
طب بس حاولي كدااااااا
وربنا يسهل
هترجعي البيت قبل العشااااااا يعني مش هنأخرك
متخافيش

--------------------

أجمل تحيه لك ..
بوست جميل جدا جدا جدا والله
تحيتى من القلب لك


ربنا يخليكي متشكر جدا
مش جميل أوي يعني

خالص تحياتي

مـــروة كمــال يقول...

السلام عليكم

كل عام وأنتم بخير

تقبل الله منا ومنكم

Dr.Mohammed Gohary يقول...

مروة كمال

عليكم السلام ورحمة الله وبركاته

كل سنة وانتي طيبة

ربنا يتقبل

تحياتي

Unknown يقول...

كل سنه وانتم طيبين
انا طبعا جايه اخد العيديه منكم كلكم اصحاب البوست والناس الى بيعلقوا
من الاخر يا العيديه يا الدبح
كل سنه وانتم طيبين وعيد سعيد
انا طبعا هحضر عشان ادفعك العيديه وبعدين انامن المدونين الشراقوة
ولا ايه ..........؟؟؟
هااااااااا

مهندس مصري بيحب مصر يقول...

كل سنة و انت طيب
و منتظر تفاصيل اللقاء بالكامل
:)

FreeKiller يقول...

كل سنة و انت طيب يا جوهري

اشقط

http://www.blogger.com/profile-find.g?t=l&loc0=EG&loc1=zagazig

FreeKiller يقول...

دول كل الناس اللي كاتبين ف البروفايل بتاعهم Zagazig

FreeKiller يقول...

http://www.blogger.com/profile-find.g?t=l&loc0=EG&loc1=sharkeya&loc2=zagazig

و دول اتنين كمان

FreeKiller يقول...

http://www.blogger.com/profile-find.g?t=l&loc0=EG&loc1&loc2=%D8%A7%D9%84%D8%B2%D9%82%D8%A7%D8%B2%D9%8A%D9%82

ودول كمان

FreeKiller يقول...

http://www.blogger.com/profile-find.g?t=l&loc0=EG&loc1=%D8%A7%D9%84%D8%B4%D8%B1%D9%82%D9%8A%D8%A9

و دول اللي كاتبين الشرقية

FreeKiller يقول...

ده كل اللي لاقيته


بس

amraction يقول...

كل سنه وانت طيب يا دكتره

حلو موضوع لقاء المدونين ده.. فرصه الواحد يشوف المدونين اللى بجد.. مش اللى بيهرجو زى حالاتى.. يارب اعرف اكون هناك

Dr.Mohammed Gohary يقول...

أسماء جمعة
أهلا بيكي
كل سنة وانتي طيبة
خلاااااااص عيديتك عندي
بس رمزية مش فلووووووس
هههههههههههههههههههههههههه
طاب خلاااااااص هشووووووف العيدية
أما نشوووووف
مممممممممم أفكر
مش أبو كبير تبع الشرقية؟؟؟؟
خلااااااااااص
يبقا انتي شرقاوية
وبعدين
احنا بنرحب بأي حد حتي لو مش شرقاااااااااوي
ههههههههههههههههههه

وبعدين ازاااااااي مش هتيجي وانتي من الناس اللي اقترحت الملتقى معانااااا

خالص تقديري

Dr.Mohammed Gohary يقول...

مهندس مصري

كل سنة وحضرتك طيب
حاااااااضر يا هندسة
كووووول التفاصيل هتبقا موجودة

خاااااااااالص تقديري

Dr.Mohammed Gohary يقول...

نهاااااال (فري كيلر)
هشقط حاااااضر

Dr.Mohammed Gohary يقول...

ايه دا يا حاجّة كدا فل أوي
شكرا يا نهاااااااال

نردهالك فـ الأفراح

Dr.Mohammed Gohary يقول...

عمرو أكشن
أهلا بيك

أتمني تكوووووون موجود

متقولش كداااا
نتمني نشوف مشاركاتك معانا

خالص تقديري

Mero.. يقول...

كل سنة وانت طيب دكتور محمد ..
متشكرين اوي ع الدعوة والهدية .. بس انا كان عندي سؤال محيرني وملقتش اجابة شافية في البوست ...
هو احنا هنجتمع ليه ؟؟
وهنعمل ايه ؟؟

Dr.Mohammed Gohary يقول...

أهلا بيك يا مراد

بص يا سيدي
أولا ناس كتير شراقوة مدونين ما يعرفوش بعض

دا بيخلق جو من التعارف

وبعدين قولت نااااااااس كتير نفسها تجيب سلسلة مدونات مصرية للجيب بس مش فاضيين أو مش عارفين ينزلوا القاهرة هنجيبلهم الإصدارين الأول والتااااااااني لحد عندهم في الشرقية

ثالثاً هنتكلم عن جروب الفيس بوك اللي عملناه ليهم علشان نبقا سوااااااااا لو حد عنده فكرة

رابعاً أكيد هنناقش قضايا كتير
ربنا يسهل


خالص تقديري ونتمني تكون معانا

FreeKiller يقول...

خلصنا اول لينك

prince4ever يقول...

طب ماتخليها تلاته العصر عشان ماتش الاهلي الساعه خامسه
ولا انت زملكاوي
نجيلك علي عينينا يا باشا
سلام

Unknown يقول...

السلام عليكم ورحمة الله وبركاته
وكل سنه وانت طيب
ويارب يكون اجتماع
موفق بأذن الله

Dr.Mohammed Gohary يقول...

فري كيلر
نهاااااال

أهلا بيكي

متشكرين يا ستي
ولو عوزت حاجة هكلمك أكيد

Dr.Mohammed Gohary يقول...

رامي البرنس
أهلا بيك

ياريت يا رامي
بس الفكرة ان في ناس وراها امتحانات وناس جاية من بره الشرقية وعوزة تروح بدري فالساعة 4.00 كويس أوي للجميع عموما اللقاء ساعة ونص بالكتير أوي يعني مش هيفوت من الماتش كتير

تنورنا وهنستناك أكيد

أنا أهلاااااااوي يا عم الحاج
عيب عليك


خالص تقديري

Dr.Mohammed Gohary يقول...

norahaty
كل سنة وانتي طيبة

أهلا بيكي

والله الموفق
ياااااااارب يطلع بالشكل اللي راسمينه في خيالنا

خالص تقديري

Empress appy يقول...

كل سنه وانت طيب يا دكتور

Dr.Mohammed Gohary يقول...

آبي

كل سنة وانتي طيبة

وعيد سعيد عليكي يااااااااااارب

خالص تحياتي

Soul.o0o.Whisper يقول...

كل سنة و انت طيب يا دوك

و عيد سعيد على الكل ان شاء الله



و بالنسبة للى من المنصورة ... يركب ايه و لا هينزل فين ؟؟؟<< مش معنى كدا انى هاجى
لكن عشان تعمل حسابى فى العيدية ،
مش الاعمال بالنيات ؟؟؟

هههههههههههههههههههههههه



خالص تحياتى

احمد قطب يقول...

كل سنه وانت طيب



وكان نفسى أشارك معاكم


بس مبتدأ

المره القادمه أن شاء الله

نـــــور يقول...

بما انى شرقاويه جيت اقول كل سنه وانت طيب
وهحاول اجى ويارب اقدر
والل اعرفهم شرقاويه هدعيهم وابقى كسبت شرف المساعده:)
عيد سعيد

نـــــور يقول...

صحيح نسيت اقولك
ماتخلوها بجد الساعه 3
بدال اربعه مراعاه لظروف السفر
والله لو حصل هبقى مبسوطه جدا:)

FreeKiller يقول...

ايوة الله يخليكي يا حبيبة
لحسن الجوهري مطنش حكاية الدعوات دي
و سايبني اعمل دعاية لمدونته
على قفا موضوع الاجتماع ده
لوحدىىىىىى
هيء هيء هيء هيء

نو هارد فيلينجز يا جوهري
انا بس بهدي النفوس

محمد عبد الباسط يقول...

هههههههههههههههههه والله صورة عسل بتاعتك مع البلونات دى يا دكتور محمد
تقبل الله منا ومنكم الصيام والقيام وصالح الاعمال كل سنة وانت طيب
تقبلوا تحياتي

Dr.Mohammed Gohary يقول...

Soul.o0o.Whisper

كل سنة وانتي طيبة
عيد سعيد علينا وعليكم وعالكل يااااااااارب


و بالنسبة للى من المنصورة ... يركب ايه و لا هينزل فين ؟؟؟<< مش معنى كدا انى هاجى

نفس الكلام
بسسسسس هينزل في منطقة اسمها موقف المنصورة
من هناك ياخد تاكسي ويقولوا شارع مدير الأمن في القومية بسسسس كداااااا وفي شارع مدير الأمن
هيلاقي النادي الإجتماعي بتاااااع شركة مطاحن شرق الدلتا

وعموما موبايلي موجود لو ما عرفش حد يوصل يتصل بيا أو بإسلام جاويش واحنا هنقوله يعمل ايه


نعممممم قال ما تجيش قال
هههههههههههههههههههههههه
هنهرج لااااااااااازم تيجي
بجد والله
---------------------------
لكن عشان تعمل حسابى فى العيدية ،
مش الاعمال بالنيات ؟؟؟


ابقي قابليني ههههههههههههههههه وخوديها
هههههههههههههههههههههه

خالص تقديري

Dr.Mohammed Gohary يقول...

الـفـرعـون الـمـصـرى
أهلا بيك

وإيه يعني مبتدأ تشرفنا

بل بالعكس مشاركتك معانا هتعرفك بنااااااس وهتفعّل دورك كمدون

تنورنا والله

خالص تقديري
وهستناااااااااااااااك


تحياتي

Dr.Mohammed Gohary يقول...

habiba
أهلا بيكي

بما انى شرقاويه جيت اقول كل سنه وانت طيب
وهحاول اجى ويارب اقدر
والل اعرفهم شرقاويه هدعيهم وابقى كسبت شرف المساعده:)
عيد سعيد



كل سنة وانتي طيبة ياااااااارب دايماً
إن شاء الله تقدري وهنستناكي
ياريت والله تساعدينا ف الدعاوي
ونبقا متشكرين جدا

خالص تقديري وأرق تحياتي

Dr.Mohammed Gohary يقول...

habiba
أكشن تاااااااني مرة


صحيح نسيت اقولك
ماتخلوها بجد الساعه 3
بدال اربعه مراعاه لظروف السفر
والله لو حصل هبقى مبسوطه جدا:)


والله أنا أتمنى تبقي سعيدة علي طول
بس والله ما ينفع في ناس وراها امتحانات ويادوب علي ما يطلعوا وياكلوا لقمة

والله بجد
كمااااااان احنا مش هنتأخر
إن شاء الله علي 5.30 بالكتيرررررر هنكون مخلصين
يعني لو حتي من فاقوس هتروحي قبل العشااااااااا بكتيرررررر

ربنا يسهل
آسف إني أرفض أول طلب ليكي
آسف جدا

Dr.Mohammed Gohary يقول...

FreeKiller
ا نهااااااااال
حرااااااااام عليكي

بقاااااا أنا مطنش
دا كوووووووول حاجة فوووووووق دماغي

عموما يا ستي تشكري
بس والله الدعايا ما كنت أقصد شهرة لمدونتي
إخص عليكي وألف اخص
ماكونتش فاكرك قاسية كدا
هههههههههههههههه

طاب ايه رأيك هو الساعة 4 بقاااااا

مانا كماااااااااااان هسااااااااااافر وأبعد منك هو صحيح اتنين كيلو بسسسسسسس برضو
هههههههههههههههههههه


بتهدي النفوس آه
طاب اصبري عليااااااااا

ضيعتي الفيلينجز خااااااالص

ههههههههههههههه

تحياتي

Dr.Mohammed Gohary يقول...

محمد عبد الباسط

هههههههههههههههه

ربنا يخليك

دا مش عاجباااااااني
شكلي فيها غريب
وزايد جداااااا

ههههههههههههههه

يلا أنا صممتها في ربع ساعة قبل الفجر ليلة العيد

كل سنة وانت طيب

وياااااااارب تقبل

خالص تقديري

Hossam يقول...

hiiiiiiiii 7obbbby
كل سنة وانت طيب يا دكتور
كان نفسى اجى والله بس صعب اوى خصوصا انى عندى امتحنات
بس العدية هخدها هخدها
عيد سعيد حبى

فليعد للدين مجده يقول...

د.الجوهري
ان شاء الله اكون موجود

Dr.Mohammed Gohary يقول...

يا سحس أنا كمااااااان ورايا امتحانات

ولا يهمك

بس عاوز أقولك لو عاوز تيجي صدقني مش هتفرق في الوقت كتير بس نفسيا هتبقا مبسوط وكماااااااان هتقابل حبايبك

خالص تقديري

Dr.Mohammed Gohary يقول...

أستاذنا الكريم
د. إيهااااااب
الملتقي سيزداد جمالا واشراقا بحضوركم

أرق التحيات
وكل عام وحضرتك بخير

ذو الوجه المبتسم يقول...

السلام عليكم ورحمة الله
اولا اشكرك يا دكتور على الدعوة الكريمة
وان شاء الله يتكرر اللقاء
بس لو تقدرو تعملوه يوم جمعة
يكون افضل علشان ناس كتير تحضر
لان زى ما انت عارف فيه مدونين كتير بتشتغل وغصب عنها مش هتقدر تحضر
تمنياتى للجميع بالتوفيق

سارة بندارى يقول...

كل عام وانتم بخير

Dr.Mohammed Gohary يقول...

ذو الوجة المبتسم
أهلا بيك
ربنا يسهل إن شاء الله في المرات القادمة نحاول
إحنا برضو مش عاملين الميعاد بدري زي الساعة 1.00 مثلا أو متأخر زي الساعة 6.00 علشاااان في ناس وراها شغل وامتحانات ما تقدرش تيجي الساعة 1.00 وطبعا معانا بنات وهتسافر فما تقدرش تيجي الساعة 6.00
علشان كده أعتقد الوقت مظبوط بس هنحاول نغير اليوم في اللقاءات القادمة وربنا يكرم

المهم هستنااااااااك المرادي

خالص تقديري

Dr.Mohammed Gohary يقول...

سارة
أهلا بيكي وبكووووووول الكوابرية

كل سنة وانتي طيبة

تحياتي

احمد قطب يقول...

أنا حبيت أشكرك على الدعوه وزيارتك ليا
فى المدونه واتمنى ان هى تتكرر وتكون طول العمر

بذرة امل يقول...

كل سنة وحضرتك طيب يا دكتور
ان شاء نكون موجودين بس اناممكن اتأخر ساعة لانى عندى كورس هيخلص الساعة خمسة
انا عموما بعت اوف لاين للمدونين والمدونات اللى على الماسنجر بتاعى
احنا مستنين الملتقى ده من زماااان
جزاكم الله خيرا
وكل عام وانتم بخير

Dr.Mohammed Gohary يقول...

ملك المدينة
أهلا بيك
لا شكر علي واجب

أكون سعيد بذلك

خالص تقديري

Dr.Mohammed Gohary يقول...

بذرة أمل
أهلا بيكي
ياااااااااااه
عالساعة 5
كتيرررررر أوي تأخير كبير
دا اللقاء هيخلص بالكتيررر أوي 5.30 أو 5.45
عموما بس تعالي وربنا يسهل

وشكرا علي مساعدتك في الدعاوي
وكل سنة وانتي طيبة
خالص تقديري

Ahmed Al-Sabbagh يقول...

كل سنة وانت طيب يا برنس
شوفت اللقب الجديد
ده عشان اخد العيدية وبعد كدة هترجع دكتور تانى
احتمال اجى ان شاء الله
وبعت للناس على الفيز بؤ
كل سنة وانا طيب
احمد

Dr.Mohammed Gohary يقول...

كل سنة وانت طيب

قال احتمااااااال قال
ههأأو

لازم تيجي
هستنااااااااااااك

خالص حبي
متشكرين يا بوص

كلاكيت تانى وتانى يقول...

كل سنة انت طيب يا دوك تمنيت انى اكون معاكم بس الشغل
انا شرقاوية زيكم اشوفكم بخير ان شاء الله سلامى للجميع وان شاء الله فرصة تانية ع خير
تحياتى

Dr.Mohammed Gohary يقول...

كلاكيت تااااااااااني مرة

خسااااااااارة

كان نفسنا تكونوا معانا

عموما متعوضة

خالص تقديري

كل سنة وانتي طيبة

رئيس التحرير يقول...

كل سنه وحضرتك طيب د.جوهري
جميل اجتماع مدوني الشرقيه ، والي قاع في سوهاج ؛ يعمل ايه؟ كان نفسي اكون معاكم . لكن بالله عليك ما تنساش ( لا للنميمه ) ام سنتركها للنميمه تنهشها. وبترجاك ماتتركش كيار تسيب المشروع ..ولا خلاص نسيبه يبوظ ....شكرا د.محمد الجوهري

Dr.Mohammed Gohary يقول...

سيدي رئيس التحرير

كان نفسنا تكون معانا

كل سنة وحضرتك طيب

لا أنا مع كيارااااااا
ومش هنسااااااا لا للنميمة

متقلقش

خالص تقديري

انسااااااااانة....غريبة يقول...

انا لسه قارية الموضوع دلوقتى هحاول اجى باذن الله مع انى معرفش حد خالص ومعرفش هقول انا مين ازاى اصلا وتقريبا معتبرش مدونة او مدونة مبتدئة لسه

بس انا رخمه وهاجى طالما فى عيدية

اشوفكوا انهادرة باذن الله

Dr.Mohammed Gohary يقول...

متقلقيش
دا ملتقي تعاااااارف
يعني الغالبية ميعرفوووش بعض


تنورينااااا

خالص تقديري

عايش... ولكن !!!! يقول...

كل سنه وانت طيب يا جوهرى
اوعى تكون نسيتنى :)
بس ابقى خلى بقا اللقاء القادم منظم اكتر
يلا والجايات اكتر
علاء

عايش... ولكن !!!! يقول...

يرضيك كده يا دكتور
اوصل البيت 8
مش حرااام :(

Dr.Mohammed Gohary يقول...

أهلااااااا علاء

لاااااااا عيب عليك
هو أنا لحقت
قال نسيتك قال
وبعدين الناس الحلوة ما تتنسيش

حاااااااضر
دا أكيد اللقاء الجاااااااي مش هنسمح باللي حصل
ههههههههه

خالص تقديري

Dr.Mohammed Gohary يقول...

ههههههههه

انت وصلت البيت 8
هههههههه

تصدق بالله
أنا لسه وااااااصل حاااااااالا

الساعة 2.20
كنت ف فرح
ههههههههههههههه

سهلة يا حاااااااج

كل سنة وانت طيب

غير معرف يقول...

كان يوم رائع واجمل ما فيهمن روعه شقاوة ابنى ههههههه اوعى تعترض
بقالك يا جوهرى اكتر حاجه عجبتنى انى شوفت ناس اعرفها وبنزور بعض فى المدونات كتير
زى حبيبتى حبيبه وزى كيلرايتى كيلر ومحمد رضا والصباغ طبعا
وفوجئت بمهنا وبيك وبمستر كافيه وبنت الشمس واحمد سلامه وبكتير كتير بصراحه
كان يوم جميل بس المره الجايه يبقى بدرى شويه عشان نقدر نتكلم بعقل مش بسربعه خلاص يا دوك قصدى يا كابتن..

Dr.Mohammed Gohary يقول...

ههههههههههههه

طبعا يا محااااااسن
ههههههههههههه
عبدالرحمن دا كان عسل
أنا عندي ليه عروسة عسل
زيو كداااااااا بالظبط
هههههههههههههههههههههماهو دا جماااااااال ملتقيات المدونين
بتقابل ناااااااااس بتعرفهم من كلامهم لكن عمرك ما شوفتهم بتحبهم أكتر ولما بتقرالهم بتحس بكلامهم أكتر



كابتن هههههههههههه أول مرة حد يقولي كدا هههههههههههه

خلاص يا ستي حااااااضر
عونيااااااا الاتنين
هنتفق عالجرووووووبي وهنظبط وبعدين نعلن
أيوتها خدمة تاااااااااني؟؟؟

خالص تقديري

وبجد نورتي اللقاء
وعبد الرحمن تشششششششششششبعاً

لا للنميمة يقول...

السلام عليكم
طبعا سبق ان تشرفنا بالبوست ده
دلوقتى بقى
ممكن حضرتك تنورنا فى المدونة علشان عاوزين نظبط حبة حاجات كده
هههههههههههههه
-----------
حملتنا هى حملتكم فلا تبخلوا علينا بمساهماتكم

Dr.Mohammed Gohary يقول...

يا كياراااااا
أنا موجووووووود

اللي عاوزاه أؤمري
وأنا معاكم

خالص تقديري

فليعد للدين مجده يقول...

د. محمد الجوهري
سعدت بلقائك وكان بودي تكملة اللقاء لك عدت علي طوارئ، صرفتني عنكم، ولعل في مرة ثانية أكون معكم

شكرا لك علي التواصل

Dr.Mohammed Gohary يقول...

ههههههههههههه
عدت علي طواريء
هههههههههههه
لا عدت علي خير

آسف جداً يا دكتور ايهااااب
معلش ومش هتتكرر

وأوعدك اللقاء الجي هيبقا منظم أكثر
خالص تقديري

د. محمد رضا يقول...

انا سعدت جدا جدا جدا باللقاء

ان شاء الله يكون في تاني اجمل واكتر تنظيم


تحياتي لكم


شخصية عامة

Dr.Mohammed Gohary يقول...

د. محمد
سعدت بيك كثيرا

إن شاء الله أكيد

خالص تقديري

اتحاد المدونين العرب يقول...

الحمد لله... اللقاء متميز وفى انتظار ملتقيات اخرى
وكل تحياتى وتقديرى للجوهرى بيه


على فكرة دا مش تثبيت....ههههه

Dr.Mohammed Gohary يقول...

ههههههههههههه
أوك إسلام بك
ربنا يسهل
أكيد الجايات أكتر
خالص تقديري