السلام عليكم ورحمة الله وبركاته
قراء مدونتي الكرام مرحبا بكم من جديد وكل عام وانتم بخير بمناسبة عيد الفطر المبارك والله أسأل أن يعيده عليكم بالخير واليمن والبركات.والان مع موضوع اليوم
قرأت كتابا منذ فترة بعنوان دعوة لتبادل الأفكار فوجدت فيه هذه الكلمات التي أعجبتني فنقلتها لكم عسى أن تنال اعجابكم
معك تفاحة ومعي تفاحة ...لو أعطيتني تفاحتك وأعطيتك تفاحتي .. فكم يكون مع كل منا ؟؟؟
طبعا واحد رخم هيرد مقاطعا ايه الذكاء ده وواحد ارخم هيقول طب وليه نبدل كمل يا عم الأمور للآخر
لديك فكرة ولدي فكرة ... لو أعطيتني فكرتك وأعطيتك فكرتي .. فكم يكون مع كل منا ؟؟؟
سيكون مع كل منا فكرتان وليس فكرة واحدة .. اذا هي دعوة لتبادل الافكار ، دعوة للحاق بركب الحضارة ، ودعوة للعودة للتعاون والبناء
بـــس خــلاص
تحياتي واتمني البوست يعجبكم
أخوكم
محمد الجوهري
هناك ٢١ تعليقًا:
تصدق فكره جامده
بس برضه لأن مجتمعنا تفكيره غريب هيخاف علي افكاره من السرقه .. مع ان تبادل الأفكار ده ممكن يبقي في صالح الفكره وتدخل حيز التنفيذ بسببه
بص يابني أنا عندي استعداد للأفكار بس مش لاقي اللي ياخد بايدي
شوف بس عاوز تنفذ مشروعك ازاي وأنا معاك وياريت يبقي فيه جزء طبي بدل الفشل اللي انا فيه ده
سلام يا طبيب المستقبل
أنا عندي استعداد للأفكار
هههههه افهم من كده ان مخك عنده استعداد يفكر بس انت راكنه مثلا ولا ايه؟؟؟
شوف بس عاوز تنفذ مشروعك
هو ان كان علي مشروع هو في كتير بس المشكله زي مانتا فاهم مش معايا سيوله الفلوس كلها في السوق
ههههههههه
وياريت يبقي فيه جزء طبي
ما افتكرش هما الدكاترة لاقيين ياكلو لما هتقولي نخلي جزء طبي
انا بقول نشتغل في الاكسسوارات الحريمي
ايه رايك؟؟
فكرة بنت تمانين كلب
تحياتي يا د. محمود ودايما منورني ويارب ما تقطع زياراتك
ويباركلنا في كومينتاتك
وأنت بألف خير يا دكتور
مينفعش تبادل الأفكار كده ببلاش أنت لازم تكمل قراءة عشان تعرف المزيد عن الحقوق الفكرية للمؤلف والناشر باقي أدوات العولمة
:)
وعموما خد فكرتي أنا مسامحة بيها وفكر هنعمل إيه بالناس اللي معندهاش أفكار
:)
عزيزى محمد الجوهرى
بالنسبة لموضوع تبادل الافكار ده فكرة حلوة اوى ورخيصة لان فى مجتمعنا الفكر ليس له ثمن
اما بالنسبة لموضوع تبادل التفاح فده بالشئ الفولانى
بلاش منه
ههههههههه
تحياتى
الاخت العزيزة سكينه
مغرقانا جمايل دايما كده
أنت لازم تكمل قراءة عشان تعرف المزيد عن الحقوق الفكرية
ان كان علي الحقوق الفكرية عارفينها
أدوات العولمة
تعريف العولمة:- لو كل واحد عزل عشان تحتيه واحده رقاصة (عالمه يعني) البلد كلها هتبات في الشارع
تقصدي ايه بأدوات العولمة؟؟ هما حاجه غير الصاجات والطبله والفستان قصدي العريان -سوري- وباقي الفرقة؟؟؟؟؟؟؟؟
ههههههههههههههه
وعموما خد فكرتي أنا مسامحة بيها وفكر هنعمل إيه بالناس اللي معندهاش أفكار
تصدقي فكرة جامدة بس مش عندي افكار ليها محتاجة حد يفكر تفكير تخين قصدي كبير ناخد فكرته ونفكرلو في افكار علي الفكرة ونجمع افكار ونعمل موقف افكار
زي عبود كده ماهو موقف عربيات
هههههههههههههههه
تحياتي ودايما منوراني
أحمد باشاالصباغ
تبادل الافكار ده فكرة حلوة اوى ورخيصة لان فى مجتمعنا الفكر ليس له ثمن
للأسف ده اللي مودينا ورا عارف اننا مفكرين اننا متخلفين ده اللي بجد مأخرنا تعرف يا أحمد ان الطفل المصلري من أذكي أطفال العالم وتعرف ان الشباب فعلا اذكياء والدليل انهم مستحملين كل البلاوي دي ولسه عايشين
تصدق اننا افكارنا ليها ثمن بس احنا مبنستغلهاش ونوظفها صح
بالنسبة لموضوع تبادل التفاح فده بالشئ الفولانى
بلاش منه
هههههههههههه
كلامك صحيح فعلا كيلو التفاح ب 15جندي النهارده
بس انا بتكلم علي الطبقة ال؟أرستقراطيه اللي بيقبضو بتاع 1000 كحد ادني
ايه يا عم المهم المضمووووووون
نسيتني كنت هقول ايه
تحياتي ودجايما منورني
طيب من حيث تبادل التفاح يا ترى تفاح امريكانى ولا مصرى من الحادق دة
عشان هتفرق الحكاية دى مع ناس كتير
اما بالنسبة لتبادل الافكار دى بقى فانما عندى فكرة جامدة
تعالى نحط فكرتى على فكرتك ويبقى عندنا فكرتين ونوردهم لامريكا وناخد بدالهم تفاح
بزمتك مش فكرة
وبالنسبة للغريبة هناكل انا وانت بس ومش هنديهم حاجة خلى التفاح بتاعهم ينفعهم بقى
:]:]:]
لا الشعب المصري في الحكاية ديه ما يتوصاش
أول ما حد تجيله فكرة كويسه وينفذها وينجح فيها ... تبص تلاقي السبعين مليون واحد بيقلدوه
بس بجد المنطق اللي انت بتتكلم عنه جميل وياريت يحصل في اي شئ نافع
رائعة جداً المقولة دي
أذكر إنها من مقولات برنارد شو
لما كنت صغيرة بابا مرة سألني قال لي لو أنا عندي 20 معلومة و إنتي عندك 30 معلومة و أنتي أديتيني 10 معلومات من عندك
هيفضل معاكي كام معلومة ؟
أنا شغلت الجمجة و في ثواني قلت له 20
فضحك و قاللي هي المعلومات هتمشي ن دماغك
ما هي هتفضل عندك و عندي
عمري ما أنسا الموقف ده
لأني بعد كدة فهمته كويس أوي
و التدوين هو أحد طرق تبادل الأفكار اللي بينتج عنه مجتمع مثقف واعي بيتقبل وجهات النظر ويقر يحقق التعايش بين أفراده
حقيقي كلمات رائعة
بس انا مبحبش حد يبصلى فى التفاحة برضه هههه
كلمات رائعة تسلم
المدونة حلوة اوى وحلوة الذكريات لذيذة ضحكتنى الحقيقة قريت المدونة كلها ماعدا البوستين اللى فيهم شعر الحقيقة ماليش فيه خالص ومبقدرش اقراه بس اكيد حلو ههههههههههههههه
بالنسبة لموضوع تبادل الافكار اكيد حاجة كويسة ومفروض تتعمل بس انا بلاحظ ان اغلب الناس مبتتقبلش الاخر انا مش بعرف اتناقش مع اصحابي فى اى موضوع لازم يكون فيه خناق واختلاف جامد فى الافكار ومحدش بيقبل رأى الاخر انا حتى دلوقتى اما بنبقي زهقانيين ومش لاقيين حاجة نقولها اقولهم تعالوا نتكلم فى موضوع ونتخانق
حلوه الفكره بس مين للي هيبدء بس الافكار دي كلمه شامله حاجات كتيييير حاول تشرح اكتر او تبدأ
لميس هانم خاطر
عاش من شافك يا لوما هانم لا والنبي لسه فاكرة تحطي كومينت
لا لا لا انا زعلان منك بجد
تعالى نحط فكرتى على فكرتك ويبقى عندنا فكرتين ونوردهم لامريكا وناخد بدالهم تفاح
بزمتك مش فكرة
منعوت ابو دي فكرة
حتي الافكار هنديها لأمريكا
اللي انتا شايفه يا باشا انا من ايدك دي لرجلك دي
وبالنسبة للغريبة هناكل انا وانت بس ومش هنديهم حاجة خلى التفاح
انتي شاطرة في الكلام فعلا مفيش
فين الغريبه كلام وخلاص
مش هقولك منوراني
لانك عارفه كومينتاتك انتي بالذات بالنسبه لي ايه
تحياتي يا عم اللي ما بيتمرش فيك العيش والكومينتات
قليل من التفكير
محمد باشا
واحشاني كومينتاتك
أول ما حد تجيله فكرة كويسه وينفذها وينجح فيها ... تبص تلاقي السبعين مليون واحد بيقلدوه
ههههههههههه كنت هقولها
ههههههههههههههههه
ياباشا ربنا يخليك
ومتشكرين علي ذوقك ودايما منور مدونتي كده بكل صحة
ويارب تعيش قد سواق الحكومة
قصدي اللي سايق تاكسي اجرة ج.م.ع
ههههههههههههههههه
هستناك تزورني تاني وتالت ورابع
ويارب ما تنقطع كومينتاتك
مدونة تحت الـ 20
منوراني والله هي أول زيارة ليكي تقريبا بس بجد انا سعيد بيها
وان شاء الله مش هتبقي اخر مرة ولا ايه؟؟
لما كنت صغيرة بابا مرة سألني قال لي لو أنا عندي 20 معلومة و إنتي عندك 30 معلومة و أنتي أديتيني 10 معلومات من عندك
هيفضل معاكي كام معلومة ؟
أنا شغلت الجمجة و في ثواني قلت له 20
فضحك و قاللي هي المعلومات هتمشي ن دماغك
ههههههههههههههه نفس الحوار تقريبا يعني
بس والله ما قابلت والدك قبل كده
المهم خير خير
منوراني ويارب اشوف كومينتاتك ملعلعة كده علي طول عندي
وهعملك زيارة مفاجئة ارض ارض
احذري قريبا هااااه
تحياتي يا شروق
نصيف باشا
حد يقدر يبص لتفاحتك
دانا أفقأ عينيه واضع مكانهما حجرين
ههههههههههههههههههه
منورني يا حاج
وهعملك زيارة اشطه قريبا
تحياتي ومنورني
الأخت العزيزة ياسمين
منوراني والله
عارف انها زيارتك الأولي انتي كمان
بس بجد سعيد جدا بيها
وان شاء الله مش هتبقي اخر مرة
قريت المدونة كلها ماعدا البوستين اللى فيهم شعر الحقيقة ماليش فيه خالص
دا علي اساس انه حشيش
كبتشينو يعني هههههههههه
دا شعر شعر تذوقي اي شعر كده هتلاقيه حلو قووووي
ههههههههههههههههههههه
اقولهم تعالوا نتكلم فى موضوع ونتخانق
يخرب عقلك دانتي طلعتي حكاية
لاااه دانا هجيلك المدونة ونقعد للصبح نرغي
يارب تزورينا كده علي طول وماتتقطعش كومينتاتك
حبيبة بابا رشا
فاكرة الاغنية دي
كانت زمااان بس كانت حلوة
أول كومينت ليكي عندي
بس بجد سعيد بيه كتير
حلوه الفكره بس مين للي هيبدء بس الافكار دي كلمه شامله حاجات كتيييير حاول تشرح اكتر او تبدأ
لا انا ما اقصدش اني أفكر في موضوع معين ونطوره
دانا بس بعرض دعوة
دعوة لتبادل الأفكار
قريتها من كتاب عجبتني
يارب نشوف كومينتاتك علي طووول
انت مشفتش العيال كبرت؟؟
لما سعيد صالح قال لأخته لما قالت له علي الفتاحه ..
أنا عندي استعداد للإنحراف .بس مش لاقي اللي يوجهني
كنت بس بقلده في كلمتي
انما انا والحمد لله منبع أفكار
وبعدين لما أقول لك مشروع .. لازم تفكر انه تجاري
ايه المشكله لو كان ثقافي
يخدم الناس مثلا .. زي مشروع لميس
أي حاجه لها مردود كويس ومفيده
ومش هقول زي لميس ونصدر لأمريكا ... كفايه تصدير بقه
سلام يا محمد باشا وشوف فكره حلوه ننفذها بقه
محمود باشا
منورني والله
وبعدين لما أقول لك مشروع .. لازم تفكر انه تجاري
والله اللي يتفهم من كومينتك كده
عموما يا باشا الاخت لميس ليها الريادة في الموضوع ده(المشروعات المفيدة يعني). صح ولا ايه؟؟؟
تحياتي يا باشا وربنا يسهل
إرسال تعليق