عيل قريبنا كده
قالي : عمو
قولتله : نعم يا حبيبي
قاللي : ممكن اقولك نكته ؟؟؟
قولتله : قول
قاللي : مره شوية فران بيلعبوا كورة مع شويه افيال ، الفران خطفوا الكورة من الافيال ، فالفار كابتن الفريق اخد الكورة وبيجري عشان يجيب جووون راح الفيل مكعبله ففي فار راح للفيل وبيقوله ياكابتن بطل الخشونة دي الفيل رد بكل ثقه ما بعرفش العب الا كده راح الفار باصص لزميله كابتن الفريق وقايله : كسره يا فوزي ههههههههههه
قام فوزي لم باقي الفريق وطالع علي ظهر الفيل قام الفيل هز ظهره وقع كل الفران اللي علي ظهره ما فضلش الا فوزي (الكابتن) اتشعبط في شعرة علي قفا الفيل ، باقي الفران شافوه فوق قامو قالوله يلا يا فوزي اخنقه يا فوزي ههههههههههههههه
حلو خيال الأولاد الصغيرين ده
بجد النكته ضحكتني
لو ضحكتم زيي زقلوني بالكومينتات
دمتم سالمين
هناك ٤ تعليقات:
ههههههههه
مش بس عشان النكتة لا عشان انت بقيت عمو
ههههههههه
لا بهرج بجد حلوة
ومش هناخد السنة كلها ضحك من فضلك انا عايزة عنوان فوزي ده ضروري
لا ما تقلقش حاجة كده تبع الشغل بس عايزة ولو فار يكون مجدع
هههههههههه
ههههههههههههههههه
سكينة العزيزة
شفتي بقا الزمن عمل فيا ايه بقيت عمو بس الواد عنده حق مانا عندي 21 سنه وهو عنده 3 سنين يعني لو كنت اتجوزت-دا مثلا مثلا يعني مثلا هااااه- كان زمان معايا واااد قده
من فضلك انا عايزة عنوان فوزي ده ضروري
سوري عنوان فوزي توب سيكرت
بس عايزة ولو فار يكون مجدع
ياستي ان كان علي الفران كتير
بس المشكله في عنينا
اللهم ارزقنا بفران وفارات زي الفل
بس يارب الفران دي استعارة مكنيه مش الفران بتاع الجبنه
تحياتي يا سكينة ودايما منوراني
جامدة جدا
خصوصا لما الواحد يتخيل انها من طفل
وكمان لما يتخيل فوزى وهو بيخنق الفيل
ههههههههه
مطرح ماترسي دقلها
يا اهلا يا اهلا
انت فين يا حاج
مبتجيش من زمان ليه؟؟؟
يارب الموضوع يكون عجبك
ماهي المشكله انها من طفل
عيال سوووبر
ههههههههههه فوزي شديد
تحياتي ومنورني
إرسال تعليق