صباح الفل أو مساء الخيرات حسب ما بتقرا سيادتك سواء صبح أو ليل ماعادتش تفرق سينا من سونيا مش حدوتة بقا كل شويه هنقول هابي نيو يير.والآن مع أول ابتسامة لي في ألفين وتمانية الصبح صحيت من النوم - زي كل البشر عادي يعني- لقيت اذاعة الشرق الأوسط شغالة بتقول اس ام اس علي 4411 طبعا ولا عبرتهم لأن وقتي مش ملكي انتو عارفين أنا كل وقتي ملك الشعب والمواطنين ما ينفعش يضيع في الهطل والخرف ده فلبست بسرعة بسرعة وجرررري رحت خارج ركبت الميكروباص وطبعا الميكروباص مشي -عادي يعني دا الطبيعي بتاعو- فلما مشي واحد صاحبي كان جنبي قاللي هابي نيو يير -قلت في نفسي اصطبحنا أخلص من الشرق الأوسط وأربعه وأربعين حداشر تطلعلي- قولتله كل نيو يير وانتا طيب قاللي أقولك نكتة قولتله قول يا سيدي احنا في أول السنة وعيب أرفضلك طلب من أولها قاللي مرة واحد غبي قوي صاحبه كل ما يقابله يقوله يا غبي الناس تضحك عليه في يوم قال لما ييجي يقولي يا غبي هقوله أنا مسميش غبي اسمي سمكة وفعلا الأخ ده قابله قالو ازيك يا غبي قاله ما اسميش غبي قاله أومال ايه ؟؟ قاله اسمي سمكة قاله طيب بتعرف تعوم يا سمكة قاللو لأ قاله تبقاااا غبي هههههههههه أنا سمعتها ومش عارف ايه اللي حصل هيستيريا ضحك مالهاش حل هههههههههههههه خلصت منه دخلت الكلية قابلت عم صابر الراجل الطيب اللي في حرس الجامعة فبقوله هابي نيو يير يا عم صابر رد عليا قائلا وانتا بالصحة والسلامة هههههههههههههه حلوة دي ههههههههههه هو رد عادي بس مش عارف ليه عجبني هو في حد مش طبيعي يـ أنا يـ أنا . الواحد بين الفينة والفينة بيقابل مواقف ... بيبقا عايز يلف ويرجع هههههه علي رأي المثل اتسحلب واجري يا رمان وتعالي علي حجري يا رمان. معلش استحملوني
أدام الله ابتساماتكم
وكل عام وانتو بألف خير
دمتم بسلام دوما
تحياتي
د. محمد الجوهري
ملك ميت غمر والسودان والكونغو الدكتاتورية وزيمبابوي وأنجولا .
هناك ٨ تعليقات:
ايه يا عم محمد؟؟
انت احتليت انجولا من غير ما تقول لي؟؟؟؟؟؟؟؟؟؟؟
لا ياباشا أزعل منك .. إلا أنجولا . فلافيو اللي هو انا .. ده النك نام بتاعي ... لازم يدافع عن بلده
وعموما عم صابر ده دماغه غاليه
بالله عليك توصل له سلامي
..بوست عسل زيك
يارب تدوم ابتساماتك وتحلي دايما أوقاتك..
حياة سعيدة يا دكتور
اضحك كركر ومحسبش الضحكة على نفسك خلي الدوز عالي
:)
ههههههههههههههههههههههههههههههههههههههههههههههههههههههههههههههه
عجبتنى اوى النكته انا كمان
تسلم ايدك خرجت الواحد شويه م مود مش هو
اسفه ف التاخير عن بوستاتك الجميل يامحمد
بس كان فيه ظروف خارجه عن الاراده
ويارب يجعل كل حياتك ابتسامات
ملحوظه :: عم صابر ده ياجماعه راجل زى العسل .. بوابة طب متبقاشبوابة طب غير بعم صابر
ههههههههههه
ربنا يكرمك يا دكتور
كلامك ظريف جدا
بس غريبة انك بتضحك و انت ف كلية طب ؟؟
المفروض تكتئب زينا كدة
و تودع البسمة
هههههههه
المشكلة ان انا بقولك متضحكش و أضحك انا
يلا ربما يكرمك
د.حمــــــاس
د.محمود فرج
حوده الجميل ازيك يا باشا والله واحشني عارف اني مقصر بس والله النت فاصل من عشر ايام يعني مشكلة نتية بحتة بس خلاص حلينا المسائل وكله أليسطه
بالنسبة لأنجولا الأنجولويين اتحايلو عليا أحتل البلد لأنهم شافو اني مظبط الشعوب بتاعتي ميت غمر والسودان والكونغو الدكتاتورية وزيمبابوي ومتقلقش بلدك يا فلافيو في عنيا
تسلم انتا وعم صابر ويوصل يا معلم
دمت بسلام ودامت ابتساماتك
******************************
سكينه بفتح السين
ههههههه الدوز عالي لا كده أهيس مش طالبه
تحياتي واتمنالك حياه سعيده
******************************
سمسمة أو د. أجدع بنوته
والله هي نكته مش جامده بس مش عارف ليه ضحكت قوي يلا كويس انها عجبتك
ربنا يكرمك ومتشكر علي الزيارة
وفعلا عم صابر دا راجل سكره
******************************
د.حماس
مساء الجهاد يابرنس
الله يكرمك متشكر علي المجاملة
بالنسبه للضحك وانا في طب مش غريبه ولا حاجه
بص هو اللي في طب يا ما يضحكش خالص ويبقا خنيق ودولا الاغلبيه
يا اما زيي يضحك ويكركر ويموت من الضحك كمان ودولا مش نافعين
من الاخر ما فيش وسط
ربنا يخليك ومتشكر لزيارتك الاولي وياريت تتكرر
تحياتي للجميع ودمتم بسلام وكل سنه وانتو أجمل وأحلي وأحلامكم تتحقق
ياريت كل يوم جديد يعدى على الانسان نحمد ربنا عليه ويكون الانسان فى ذكر وطاعة بدلا من اللخبطة دى / دعاء تظل الملائكة تكتب أجره:لا اله الا الله عددماكان وعددمايكون وعدد الحركات والسكون
يارب تقبل
تحيااااتي
إرسال تعليق