دي حــــــاجة غــــريـبـة .... دي حـاجة تحير
أمـــانـيـنــا كـبـيــــــــــرة .... والوقــت قصيَّر
تيـــجــي نــرجع نفتكــــر .... وانتا صــغــيَّــر
فاكر وانتا الصبح بتلعب .... السلم والتعبان
ولا العصر لما تـروحوا .... تصطادوا حيتان
وتــرجعـــوا المغـربـيـة .... بــالكيس مليــان
تشــووه وتــاكـلوا كلكم .... مع ابن الجيران
فـــاكــــــــــر الجـيــران .... جيـران زمااان
كـــــان بينهم حـــــــــب .... أُلـــفـــة وحـنـان
راح الـحــــــب .... مع اللي كان وكان وكان
بــالـــذمـــــــــــــــة دي .... مش حــاجة تحير
فكـــــــــر كـــويــــــس .... مبقيتش صــغـيـر
عـقـلك مُخـيـــــــــــــــر .... مـاهــوش مُسـير
فـكّــــــــــــــــــــَر ودوَّر .... إبـحــث وقــــــرَّر
وخـــليـــك فـــــاكـــــــر
إن الــحــيــــــــــــــاة .... مش يوم دي ساعة
خـلـيـك واعــــــــــــي .... خـلـيـهـا في طــاعة
خـلـيـهـا فـي طـاعــــة.
-
في انتظار تعليقاتكم.
دمتم سالمين
هناك ١٥ تعليقًا:
مشروع شاعر جامد
يا عم محمد
انا مش عارف ايه اللي بيدخل الخلق دي كلها طب
:))))
بس لسه هسمع الصوت بقى وربنا يستر
تحياتي ليك يا جوهري بيه
دكتور محمد
أهلا بيك
ربنا يخليك
بجد عندك حق
طب دا مشكلة
طب ياريت تسمع الصوت
ومستني ردودك وربنا يستر
ومتشكر بجد يا دكتور
تحياتي
بيتهيألي كاتب بلاش تطويل لسان
الرد من الاخ اللي أنا عارفه ومسحت رده ياريت ما يتكررش
لاني عارف الاي بي
وعارفه شخصيا
وياريت عندك حاجه حلوه قولها ما عندكش تتفضل في ستين سلامة
حلو أوي يا ابوحميد
ليك مستقبل برضه
بس إنت إيه اللي خلاك تكتب شعر أصلا
إحنا هنقطع على بعض والا إيه
إنت كده دخلت في حته مش بتاعتك
وخاف على نفسك بأى
آه
أنا سمعت الإلقاء كمان
حلو بالنسبه لأول مره
ويا ريت تبقى آخر مره
بهزر طبعا
جميل يا جوهري
في انتظار المزيد من إبداعاتك
سلام
الف شكر
معلش بقا بنعدي حدودنا
بس طبعا بنتعلم منكم
استحملوني
لازم كدا تحرجونا
يلا اهي أول مرة
وربنا يستر
بس شكلها كدا مش هتبقا الاخيرة
فعلا يا محمد معاك حق الوقت فعلا قصير..بس الحب مراحش الحب موجود وهيفضل موجود حتى لو مجرد زكريات حلوة لسه فاكرها لعند دالوقت...
بجد جميل يا جوهرى
ايمي العزيزة اهلا بيكي
منوراني بجد
متشكر عالكومينت
وربنا يخليكي متشكر علي المجاملة
تحياتي
تحياتى لك ايها الطبيب الشاعر
ايه الشعر ده كمان شاعرررررررر يا سيدى ربنا معاك دا انت طلعت جامد ومش واخدين بالنا
جنة
أول زيارة ليكي
أهلا بيكي
أتمني متكونش الأخيرة
وشكرا علي المجاملة
وهزورك قريبا بس معلش بقا الامتحانات
شكرا ليكي
آبي هانم
أهلا بيكي
شاعر مسن دانا غلبااااان
أهو بنحاول يا آبي
مش جايز نفشل في الدراسة
أصيع بقا ولا إيه؟
ههههههههههههههههههه
تحياتي
وشكرا علي زيارتك
وعالتعليق
السلام عليكم
اولا احييك دكتور وليا الشرف طبعا انى اعلق معاكم لاول مره وان شاء الله مش هتبقا اخر مره .
بجد جميل شعرك وكمان صح زى ما قولت يمكن بعد الدراسه مش هتلاقى شغل لكن مش فشل باذن الله يبقا لقيت شىء ينفع وربنا يحقق ليك كل امنايتك ويوفقك دايما فى حياتك .
وجميل اختيارك للكلمات .
اللؤلؤة المضيئة
جميل الإسم وأسلوب الكلام أجمل
والمجاملة أجمل وأجمل
ربنا يخليكم يا فندم
وشرفتونا الشويه الصغيرين دول
ويارب متبقاش آخر زيارة
دمتم سالمين
ودامت تعليقاتكم
إرسال تعليق